Restoran va kafe uchun sayt.

Restoran uchun sayt — bu chiroyli galereya emas, buyurtma keltiruvchi vosita. Mehmon menyuni ko'radi, savatga qo'shadi, to'laydi va manzilini qoldiradi — hammasi ikki-uch daqiqada, telefon qo'ng'irog'isiz. Agar sayt shu yo'lni bermasa, u faqat vizitka bo'lib qoladi va mehmon baribir agregatorga o'tadi.

Saytda nimalar bo'ladi

• Onlayn menyu — rasmlar, narxlar, kategoriyalar; yangilash admin paneldan bir daqiqada;
• Buyurtma va savat — yetkazib berish yoki olib ketish, vaqt tanlash bilan;
• To'lov — Payme, Click, Uzum yoki naqd — tanlov mehmonda;
• Yetkazish moduli — buyurtma holati, kuryer biriktirish, yetkazish zonalari;
• Stol bron qilish — sana, vaqt va mehmonlar soni, Telegram'ga darhol xabar;
• Aksiyalar va set'lar — biznes-lanch, oilaviy to'plamlar;
• Filiallar — manzil, xarita, ish vaqti, har biri uchun alohida menyu imkoni.

Nega agregatorga emas, o'z saytingizga

Agregatorlar har buyurtmadan odatda 15–30% komissiya oladi. Lekin komissiya eng katta yo'qotish emas: mijoz bazasi ham sizga tegishli bo'lmaydi. Kim nima buyurtma qilgani, qanchalik tez-tez qaytgani, nimani yoqtirgani — bularning hammasi platformada qoladi va siz o'z mijozingizga to'g'ridan-to'g'ri murojaat qila olmaysiz.

O'z saytingizda komissiya yo'q, mijoz ma'lumotlari sizniki — takroriy savdo, aksiyalar va sodiqlik dasturi uchun. laCafe loyihamizda shu model restoranlar o'rtacha chekini 20% ga, qayta savdoni esa ikki barobarga oshirdi.

Bu agregatordan butunlay voz kechish kerak degani emas. Amalda eng yaxshi natijani ikkalasi birga beradi: agregator yangi mehmon olib keladi, o'z saytingiz esa uni ushlab qoladi — ayniqsa quti va chekka ichiga saytingiz havolasi qo'yilsa.

Menyu — eng ko'p qaraladigan sahifa

Statistika bo'yicha mehmonlarning katta qismi saytga faqat menyuni ko'rish uchun kiradi. Shuning uchun menyu tez ochilishi, rasmlar sifatli lekin yengil bo'lishi va narxlar doim to'g'ri turishi kerak.

Ikkita amaliy detal ko'p unutiladi. Birinchisi — stop-list: tugagan taomni bir tugma bilan vaqtincha o'chirish imkoni. Busiz oshxona tugagan taomga buyurtma qabul qilib qoladi va mehmon xafa bo'ladi. Ikkinchisi — narxni admin paneldan o'zgartirish: narx o'zgarganda dasturchiga murojaat qilish kerak bo'lsa, sayt bir necha oyda eskirib qoladi.

Buyurtma yo'lini qisqartirish

Har bir ortiqcha qadam buyurtmalarning bir qismini yo'qotadi. Shuning uchun ro'yxatdan o'tishni majburiy qilmaymiz: mehmon savatga qo'shadi, yetkazish yoki olib ketishni tanlaydi, manzil va telefon raqamini yozadi, to'laydi. Tamom.

Telefon raqami bilan kirish esa keyingi safar hammasini tezlashtiradi: manzil va oldingi buyurtma eslab qolinadi, takroriy buyurtma bir necha tugmada beriladi. Yetkazish zonalari va minimal summa oldindan ko'rinib tursa, «yetkazmaymiz ekan» degan noxush suhbat ham bo'lmaydi.

Stol bron qilish va Telegram

Bron formasi oddiy: sana, vaqt, mehmonlar soni, telefon. Muhimi — u qayerga tushishi. Eng ishlaydigan yechim — administratorning Telegram guruhiga darhol xabar borishi: shunda bron pochtada ko'milib qolmaydi va bir necha daqiqada tasdiqlanadi. Xohlasangiz, buyurtmalar ham shu kanalga tushadi.

Takroriy buyurtma — asosiy foyda shu yerda

Restoran biznesida yangi mehmon jalb qilish qimmat, mavjudini qaytarish esa deyarli tekin. Aynan shuning uchun o'z saytingizdagi mijoz bazasi agregatordagi buyurtmalar sonidan qimmatroq turadi.

Amalda ishlaydigan narsalar sodda: telefon raqami bo'yicha buyurtma tarixini saqlash (mehmon oldingi buyurtmani bir tugmada takrorlaydi), tug'ilgan kun bo'yicha taklif, va bir necha buyurtmadan keyin beriladigan chegirma. Murakkab sodiqlik dasturi shart emas — bosqichma-bosqich boshlagan ma'qul.

Rasm va tezlik

Taom rasmi buyurtmaga eng ko'p ta'sir qiladigan element, lekin ayni paytda saytni og'irlashtiradigan asosiy sabab ham shu. Menyu yuz gramm rasm bilan to'lsa, u mobil internetda sekin ochiladi va mehmon kutmaydi.

Biz rasmlarni avtomatik siqamiz va qurilmaga mos o'lchamda beramiz — sifat ko'zga ko'rinadigan darajada saqlanadi, hajm esa bir necha barobar kamayadi. Admin paneldan yuklangan katta rasm ham avtomatik ishlov oladi, ya'ni xodimingiz bu haqda o'ylashi shart emas.

Narx va muddat

Menyu-vitrina sayt 1–2 haftada, to'liq buyurtma tizimi bilan 2–3 haftada tayyor bo'ladi. Narx taxminan 8 mln so'mdan boshlanadi. Narxni ko'taradigan omillar: filiallar soni, yetkazish moduli va zonalari, sodiqlik dasturi, ko'p tillilik va POS tizimi bilan integratsiya.

Barcha sayt turlari bo'yicha to'liq jadval sayt yaratish narxi sahifasida. Bepul konsultatsiyaga yoziling: [email protected] yoki +998 97 000 15 51 — restoraningiz uchun aniq taklif tayyorlaymiz.

Ko'p beriladigan savollar